Akhriso talooyin wanaagsan oo aad kuu anfaca, kahortaga cudurada

0
67

Si aad Gacan uga Geysatid Ka-hortagidda Cudur:
Nadaafadda
• Gacmahaaga ugu yaraan 15 ilbidhiqsi ku dhaq biyo diirran iyo saabbuun.
Dhaq cunidda ka hor, markaad cunto diyaarineyso, iyo musqusha ka dibba. Qof kasta oo ku daryeelayana sidaas oo kale ha sameeyo.
• Maydho ama qubeyso maalin kasta haddii laguu oggol yahay.
• Qubeys xunbo leh ha sameynin ama ha isticmaalin tubbo biyo kulul.
• Maqaarkaaga si dhow uga hubi dillaac, finiinic, guduudasho, iyo bararid.
Wac takhtarkaaga haddii aad dhibaato qabto.
• Ka dib marka aad kaadiso ama saxarooto, mar kasta biyaha isaga raaci dhinaca hore una raaci dhinaca danbe. Gacmaha iska dhaq.
• Sakiin koronto ah u isticmaal xiirashada si aad uga fogaatid dillaac.
• Isticmaal caday jilicsan si aad ilkaha isaga nadiifiso markaad cuntada cunto ka dib iyo inta aadan seexannin ka hor. Haddii aad ilko sanaaci ah qabtid, nadiifi subixii iyo fiidkiiba.
• Kormeer afkaaga maalin kasta. Wac takhtarkaaga haddii aad isku aragto wax guduudasho, dhibco cad, dillaac, ama soo kuusasho ah.
• Xidho weji dabool ama qolka isaga bax marka la nadiifinayo.
• Ha isticmaalin waxyaabaha hoosta la iska mariyo ama tanbooni.

Ammaanka Cuntada
• Ha cunin cunnooyin ceedhin ama aan la karin sida:
─  Furuto ama khudrad markaas la keenay
─  Ukun, hilib ama kalluun ceedhin
• Kari hilib, kalluun iyo ukun si wanaagsan la sameeyey.
• Isticmaal caano la soo karkaiyey, farmaajo, garoor ama labeen.
• Cabitaannada ha uga tagin dibedda wax ka badan 2 saacadood.

Talooyinka Kale
• Nasasho badan qaado. Isku day inaad hesho ilaa 8 saacadood oo hurdo ah habeenkii.
• Soco, ama ugu yaraan ku fadhiiso kursi, 3-4 goor maalintii. Naftaada la jaanqaad aadna ha isu daalin.
• Ka fogow dadka cudurrada qaba sida hergebka, ifilada, xanuun hergeb, buruqyo, bus-buska, jadeecada iyo quman.
• Ka fogow dadka isa soo tallaalay dhowrkii toddobaad ee la soo dhaafay.
Tallaaladu waxay noqon karaan loo qaatay dabaysha, rubella, qumanka, jadeecada, qandhada jaallada ah, ama furuqa.
• Takhtarkaaga weydii ka hor inta aadan is tallaalin marka ay tirada WBC-daadu hoos u dhacdo.
• Ha nadiifin saxaaradaha shinbiraha, tenegga kalluunka, ama sanaadiiqda saxarada bisadda. Haddii uusan jirin qof ku caawiya, xidho gacno gashi rabar ah ka dibna iska tuur markaad isticmaasho.
• Xidho gacno gashi markaad beerta ka shaqayneysid. Ka fogow geedaha iyo ubaxyada dheryaha ku jira.

Isla markiiba takhtarkaaga wac haddii aad isku aragto: 
• Qandho ka sarraysa 100.5° F ama 38° C
• Qar-qaryo ama dhidid
• Wax calaamado cudur ah sida guduudasho, diirranaan, barar, dheecaan kaa imaanaya, ama xanuun
• Dhidid
• Dareento inaad aad u daallan tahay
• Cuna xanuun ama af xanuun
• Qufac
• Xanuun ama gubasho marka aad kaadineyso
• Kaadi daruur ama dhiig leh

LEAVE A REPLY